पुनर्वास – कञ्चनपुरको पुनर्वास नगरपालिका-३स्थित आई.बी.आर.डी. बजारमा एक युवक माथी बोतल प्रहार गरी घाइते बनाएको छ।

सोमबार राति करिब ११ बजे अस्थायी प्रहरी पोस्ट आई.बी.आर.डी. नजिक पुनर्वास नगरपालिका–१ ढक्का बस्ने २४ वर्षीय इन्द्र रानालाई चार–पाँच जनाको समूहले बोतल प्रहार गरि घाईते बनाएको हो।

प्रहरीका अनुसार बोतलप्रहारपछि संलग्न समूहका दुईजनालाई नियन्त्रणमा लिएको र घटना सम्बन्धी सोधपुछ भईरहेको  इलाका प्रहरी कार्यालय त्रिभुवनबस्तीका प्रहरी निरीक्षक लोकेन्द्र सिंह  कार्कीले जानकारी दिनुभयो।
प्रहरी निरीक्षक कार्कीले घटना बुझ्दै जादा खुकुरी प्रहार नभएर  बोतल प्रहार भएको बताउनुभयो ।

सो बजारमा पछिल्लो समय अराजक गतिविधि बढ्दै गएपछि स्थानीयवासीमा सुरक्षा चिन्ता बढेको छ।

साँझ पर्नासाथ मोटरसाइकल तीव्र गतिमा हुइँक्याउने, पट्काउने, अश्लील शब्द प्रयोग गर्दै होहल्ला गर्ने तथा समूहबीच झडप हुनेजस्ता गतिविधि बढ्दै गएपनि प्रहरीको सक्रियता न्यून देखिने गरेको बजारबासीहरुको भनाई छ ।

प्रहरी कार्यालयकै नजिकै भएको ज्यान लिने खालको यस घटनाले पुनर्वास क्षेत्रको सुरक्षा व्यवस्थामाथि गम्भीर प्रश्न उठाएको छ।

लेखकको बारेमा

eNajar

थप आर्टिकलहरु :

• अशोज ४, २०८३Blogकञ्चनपुरमा उम्लिएको युवा विद्रोह: ‘जनताको पहरेदार’ यादव सिंह रास्वपा प्रवेश, क्षेत्र नं. १ मा राजनीतिक तरंग!
• अशोज ३, २०८३Blogपुनर्वास का बिभिन्न क्षेत्रमा पनि संविधान दिवस मनाईयो ।
• अशोज १, २०८३Blogआज यी ३ प्रदेशमा भारी वर्षाको सम्भावना
• भदौ ३१, २०८३Blogजिउँदो कुकुर नदीमा फालेको भिडियो भाइरल, महिला खोज्दै प्रहरी