कञ्चनपुर । माघ ९ शुक्रबार 
पुनर्वास नगरपालिका–६ मा निर्माणाधीन अवस्थामा रहेको Cold Store लामो समयदेखि अलपत्र अवस्थामा परेको छ। आर्थिक वर्ष २०७९/०८० मा ठेक्का भई सम्झौता भएको उक्त Cold Store हालसम्म करिब ४० प्रतिशत मात्र काम सम्पन्न भएको छ भने बाँकी ६० प्रतिशत काम ठप्प छ।

नगरपालिकाका अनुसार उक्त Cold Store निर्माणको ठेक्का जुगल बिल्डर्स ले लिएको हो भने ठेकेदारको रूपमा नरेश प्रसाद ओझा रहेका छन्। करिब ८ करोड २५ लाख रुपैयाँ लागतमा निर्माण हुनुपर्ने यो योजना ठेकेदार फरार भएपछि अलपत्र अवस्थामा पुगेको हो।

स्थानीय सरकारका प्रतिनिधिहरूले पटक–पटक ठेकेदारलाई सम्पर्क गरी काम अगाडि बढाउन पहल गरे पनि ठेकेदारको बेवास्ता र अनुपस्थितिका कारण निर्माण कार्य अघि बढ्न नसकेको नगरपालिकाको भनाइ छ। नगरपालिकाले समस्या समाधानका लागि सम्बन्धित निकायसँग समन्वय र कानुनी प्रक्रियाबारे छलफल गरिरहेको जनाएको छ।

Cold Store निर्माण सम्पन्न नहुँदा स्थानीय किसानहरू प्रत्यक्ष रूपमा प्रभावित भइरहेका छन्। कृषि उत्पादन भण्डारण गर्ने उद्देश्यले सुरु गरिएको योजना अलपत्र परेपछि किसानहरूले उत्पादन सुरक्षित राख्न नपाएको गुनासो गर्दै आएका छन्।
स्थानीय बासिन्दाहरूले अलपत्र योजनाको छिटो समाधान गर्दै निर्माण कार्य पुनः सुरु गर्न सम्बन्धित निकायको ध्यानाकर्षण गराएका छन्। समयमै योजना सम्पन्न नभए ठूलो लगानीको दुरुपयोग हुनुका साथै जनताले अपेक्षित सेवा नपाउने उनीहरूको भनाइ छ।

लेखकको बारेमा

eNajar

थप आर्टिकलहरु :

• चैत्र २८, २०८२Blogकञ्चनपुर र कैलालीमा थप सशस्त्र प्रहरी परिचालन : नेपाल-भारत सीमा निगरानी कडा
• चैत्र २६, २०८२Blogप्रधानमन्त्री शाहले श्रममन्त्री साहलाई हटाए
• चैत्र १६, २०८२Blogपुनर्वास फ्युज सेवा अब नयाँ भवनबाट: सेवा प्रवाह थप प्रभावकारी हुने अपेक्षा
• चैत्र ६, २०८२शिक्षापुनर्वासमा अनिवार्य तथा निःशुल्क शिक्षा  कार्ययोजना कार्यान्वयन सम्बन्धी अभिमुखीकरण सम्पन्न