पुनर्वास कंचनपुर माघ १० सनिवार 
उद्योग वाणिज्य संघ, पुनर्वासको आयोजनामा “हाम्रो पुनर्वास : राम्रो पुनर्वास” भन्ने मूल नारासहित सञ्चालन हुने भनिएको पुनर्वास महोत्सव–२०८२ को मिति परिवर्तन हुने भएको छ।

संघले जारी गरेको अत्यन्त जरुरी सूचनाअनुसार महोत्सव मिति २०८२ माघ २२ गतेदेखि फागुन ०३ गतेसम्म पुनर्वास–३ स्थित आई.बी.आर.डी. बजार नजिकै रहेको ६५ बिगाहा क्षेत्रफलमा फैलिएको खेलकुद विकास समिति ‘कालिका युवा क्लब’को खेलमैदानमा सञ्चालन गर्ने तयारी गरिएको थियो।
तर, प्रतिनिधि सभा सदस्य निर्वाचन–२०८२ का कारण निर्वाचन आचारसंहिता लागू भएकोले महोत्सव निर्धारित समयमा सञ्चालन गर्न नसकिने अवस्था सिर्जना भएको उद्योग वाणिज्य संघ, पुनर्वासले जनाएको छ। यसबाट सरोकारवालामा पर्न गएको असुविधाप्रति संघले क्षमायाचना समेत गरेको छ।
संघका अनुसार यस सम्बन्धमा भोलि बस्ने कार्यसमितिको बैठकबाट महोत्सव सञ्चालनको नयाँ मिति तय गरिने र सोको जानकारी यथाशीघ्र सार्वजनिक गरिनेछ।
उक्त महोत्सव सफलतापूर्वक सम्पन्न गर्न कार्यालय, क्लब, बजार समिति, विद्यालय तथा विभिन्न संघ–संस्थाहरूसँग आवश्यक समन्वय र सहयोगका लागि उद्योग वाणिज्य संघ, पुनर्वासले हार्दिक अनुरोध गरेको छ।
संघका अध्यक्ष राजकुमार रायमाझी ले सबैको सहयोगले पुनर्वास महोत्सवलाई अझ भव्य र सफल बनाइने विश्वास व्यक्त गरेका छन्।

लेखकको बारेमा

eNajar

थप आर्टिकलहरु :

• कार्तिक १०, २०८३Blogदशौं लालझाडी कप मंसिर ३ देखि ११ सम्म, पुरुष विजेतालाई ३ लाख र महिला विजेतालाई ५० हजार
• कार्तिक ८, २०८३Blogएक महिलालाई तीन जनाले बलत्कार गरेर फरार
• कार्तिक ७, २०८३Blogबझाङमा भिरबाट लडेर वडाध्यक्षको मृत्यु
• अशोज ३०, २०८३Blogसुदूरपश्चिम प्रदेशमा बजेट कार्यान्वयन सुरु: कर्मचारीको खातामा तलब जान थाल्यो