कञ्चनपुर, फागुन १० – कञ्चनपुर निर्वाचन क्षेत्र नम्बर १ मा चुनावी गतिविधि तीव्र बन्दै जाँदा राजनीतिक आरोप–प्रत्यारोप पनि चुलिन थालेका छन्। यसैबीच राष्ट्रिय स्वतन्त्र पार्टी (रास्वपा) का क्षेत्रीय सभापति जनक चौधरीमाथि स्वतन्त्र उम्मेदवार यादव सिंहले दुर्व्यवहार गरेको आरोप लगाएका छन्।
स्वतन्त्र उम्मेदवार सिंहले सामाजिक सञ्जालमार्फत सार्वजनिक गरेको अभिव्यक्तिमा पुनर्वास नगरपालिका–६ अन्तर्गत सुकुम्बासी बस्ती क्षेत्रमा घरदैलो अभियानका क्रममा आफू अपमानजनक व्यवहारको सिकार भएको दाबी गरेका छन्। उनका अनुसार शुक्रबार दिउँसो करिब १ बजेको समयमा निर्वाचन चिन्ह ‘झोला’ सहित मतदाता भेटघाटमा रहेका बेला जनक चौधरी आफ्ना समर्थकसहित उक्त स्थानमा पुगेका थिए।
सिंहले आरोप लगाउँदै भनेका छन् कि सो क्रममा आफूलाई हेप्ने, थर्काउने तथा “तँ अगाडि जा” जस्ता शब्द प्रयोग गरिएको थियो। उनले उक्त व्यवहारलाई निर्वाचन आचारसंहिता विपरीत भएको दाबी गर्दै लोकतान्त्रिक अभ्यासमाथि प्रहार भएको टिप्पणी गरेका छन्।
कञ्चनपुर क्षेत्र नम्बर १ बाट स्वतन्त्र उम्मेदवारी दिएका सिंहले निष्पक्ष, शान्तिपूर्ण र मर्यादित निर्वाचन वातावरण सुनिश्चित गर्न सम्बन्धित निकायको ध्यानाकर्षण गराएका छन्। उनले घटनाको सत्यतथ्य छानबिन गरी आवश्यक कारबाही गर्न माग गरेका छन्।
यता, रास्वपा क्षेत्रीय सभापति जनक चौधरीको तर्फबाट यस विषयमा औपचारिक प्रतिक्रिया भने हालसम्म सार्वजनिक भएको छैन। घटनाबारे थप विवरण आउन बाँकी छ।

लेखकको बारेमा

eNajar

थप आर्टिकलहरु :

• साउन ५, २०८३Blogसृजनशिल सहकारीद्वारा स्थापना दिवसमा पुनर्वासको बहिरा स्कुलका बिद्यार्थीलाई शैक्षिक सामाग्री
• साउन ५, २०८३Blogबन्जिसाइडको भिरबाट हाम फालेका युवक मृत भेटिए ।
• साउन ५, २०८३Blogकीर्तिपुरमा गुडिरहेको कारमा आगलागी, गाडीभित्रै डढेर चालकको मृत्यु
• साउन ४, २०८३Blogसरकारले यो वर्ष नयाँ कर्मचारी भर्ना नगर्ने