नवीन पार्की/पुनर्वास– कञ्चनपुरको दक्षिणी सिमा क्षेत्रबाट सशस्त्र प्रहरीले एकै दिन करिब ३ लाख बराबरका भारतबाट तस्करी गरि ल्याइएका समान बरामद गरेको छ ।

आइतबार पुर्नवास नगरपालिका– ९ ‘क’ गाउँबाट सशस्त्र प्रहरी बल नेपाल बिओपी दोधाबाट खटिएको मोबाईल गस्ती टोलीले भारतबाट अवैध रुपमा भन्सार छली नेपाल भित्र्याएको फल्स सिलिङका सामानहरु बरामद गरेको हो । २ लाख ६ हजार ८०० मूल्य बराबरको उक्त सामानहरु बरामद गरी कैलाली भन्सार कार्यालय धनगढी बुझाएको सशस्त्र प्रहरीले जनाएको छ ।

त्यस्तै सशस्त्र प्रहरी बिओपी दोधाको पैदल गस्ती टोलीले लालझाडी गाउँपालिका– १ राजघाटबाट ८७ हजार ५०० बराबरको लेडिज कपडा बरामद गरेको छ । भारतसङ्ग खुला सिमा जोडिएको कञ्चनपुरको दक्षिणी सिमाका पुर्नवास, बेलौरी र बेलडाँडीका विभिन्न चोर बाटाहरुबाट पछिल्लो समय तस्करी बढ्दै गएको छ । अबैध रुपमा सामान तस्करी सङ्गै सिमाबाट लागु औषध पनि नेपाल भित्रिने गरेको छ ।

लेखकको बारेमा

eNajar

थप आर्टिकलहरु :

• कार्तिक १०, २०८३Blogदशौं लालझाडी कप मंसिर ३ देखि ११ सम्म, पुरुष विजेतालाई ३ लाख र महिला विजेतालाई ५० हजार
• कार्तिक ८, २०८३Blogएक महिलालाई तीन जनाले बलत्कार गरेर फरार
• कार्तिक ७, २०८३Blogबझाङमा भिरबाट लडेर वडाध्यक्षको मृत्यु
• अशोज ३०, २०८३Blogसुदूरपश्चिम प्रदेशमा बजेट कार्यान्वयन सुरु: कर्मचारीको खातामा तलब जान थाल्यो