सल्यानको त्रिवेणी गाउँपालिका– ३ टाट्केमा मोटरसाइकल दुर्घटना हुँदा एक महिलाको मृत्यु भएको छ। प्रहरीका अनुसार शनिबार त्रिवेणी गाउँपालिका–३ स्थित भित्री कच्ची सडकखण्डमा रा ४ प २४३ नम्बरको मोटरसाइकल दुर्घटना भएको हो।

मोटरसाइकलको पछाडि सवार दाङको शान्तिनगर गाउँपालिका– १ पेदीखोला निवासी अन्दाजी ३५ वर्षीया जिता केसीले लगाएको दुपट्टा (सल) मोटरसाइकलको पछाडिको चक्कामा बेरिएपछि उनी मोटरसाइकलबाट पल्टिएकी थिइन्। त्यसक्रममा घिसारिँदा उनको घटनास्थलमै मृत्यु भएको जानकारी आएको जिल्ला प्रहरी कार्यालय सल्यानका सूचना अधिकारी प्रहरी निरीक्षक देवराज भट्टराईले जानकारी दिए।

मोटरसाइकल त्रिवेणी गाउँपालिका– ३ पिङखोला निवासी अन्दाजी २८ वर्षीय हरिबहादुर वलीले चलाएका थिए। घटनाको जानकारी प्राप्त भएपछि इलाका प्रहरी कार्यालय लुहामबाट टोली घटनास्थलतर्फ खटिएको प्रहरीले जनाएको छ। प्रहरी टोली घटनास्थल पुगेपछि दुर्घटनाको विस्तृत विवरण खुल्ने बताइएको छ। मोटरसाइकल चालक वली घटनास्थलमै रहेको प्रहरीले जनाएको छ।

लेखकको बारेमा

eNajar

थप आर्टिकलहरु :

• भदौ २९, २०८३Blogकञ्चनपुरमा खैरो हिरोइनसहित चार जना पक्राउ
• भदौ २८, २०८३Blogट्रक पल्टिँदा चालकको मृत्यु
• भदौ २७, २०८३Blogसर्पले टोकेकी संगिताको मृत्यु, उपचारमा लापरबाही भएको परिवारको आरोप
• भदौ २७, २०८३Blogमोटरसाइकलको चक्कामा दुपट्टा बेरिँदा महिलाको मृत्यु