कञ्चनपुर (बेलौरी) कञ्चनपुरको बेलौरी नगरपालिका–स्थित शान्तिपुरमा पराल बोकेको गुडिरहेको ट्याक्टरमा आगलागी भएको छ। सडकमाथि झुन्डिएको विद्युत् तारमा ट्याक्टरमा लोड गरिएको पराल छुँदा तार सर्ट भई आगलागी भएको हो।

म १ त ६८२ नम्बरको ट्याक्टरमा अचानक आगो सल्किएपछि घटनास्थलमा त्रासको अवस्था सिर्जना भएको थियो। तर, घटना जानकारी पाउनासाथ इलाका प्रहरी कार्यालय बेलौरीको टोली र पुनर्वास नगरपालिकाको दमकल घटनास्थलमा पुगेर तत्काल उद्धार तथा आगो नियन्त्रणको काम थालेका थिए।

प्रहरी, दमकल र स्थानीय बासिन्दाको संयुक्त प्रयासमा आगो फैलिनुअघि नै नियन्त्रणमा लिइएकाले ठूलो क्षति हुनबाट जोगिएको छ। आगलागीबाट ट्याक्टर र त्यसमा लोड गरिएको परालमा आंशिक क्षति पुगेको भए पनि चालकसहित अन्य कुनै मानवीय क्षति नभएको इलाका प्रहरी कार्यालय बेलौरीले जनाएको छ।

घटनापछि सम्बन्धित निकायले सडकमाथि झुन्डिएका विद्युत् तारप्रति सतर्कता अपनाउन र यस्ता जोखिम न्यूनीकरण गर्न आवश्यक कदम चाल्न आग्रह गरेका छन्।

लेखकको बारेमा

eNajar

थप आर्टिकलहरु :

• भदौ २६, २०८३Blogभोटेकोशी बाढी प्रभावितका लागि दूरसञ्चार प्राधिकरणद्वारा १५ करोड सहयोग
• भदौ २६, २०८३Blogभरतपुरमा गुडिरहेको कारमा लाग्यो आगो, एक जनाको मृत्यु
• भदौ २५, २०८३Blogस्याङ्जा पुगेर गगनले भने– आवश्यक परे नेतृत्व छाड्न तयार छु
• भदौ २५, २०८३Blogसिंहदरबारमा मन्त्रिपरिषद् बैठक सुरु