कञ्चनपुरको पुनर्वास नगरपालिका वडा नम्बर १० स्थित दोदा पुलबाट झन्डै डेढ किलोमिटर क्षेत्रमा यतिबेला सडक बत्ती जडान भएका छन् । तर ती सडकबत्ती सञ्चालनमा भने आएको छैन । केही प्राविधिक कामहरू बाँकी रहेकाले सडकबत्ती सञ्चालनमा ढिलाई भएको पुनर्वास नगरपालिकाका योजना शाखा प्रमुख शंकर बोगटीले जानकारी दिनुभयो ।

तर सडकबत्ती सञ्चालन पूर्व नै त्यहाँका केही सडक बत्तीहरू बिग्रिएको उहाँले जानकारी दिनुभयो । कसैले बिगारेको हो या बिग्रिएको नै सडकबत्ती जडान भएको हो भन्ने जानकारी छैन । पुनर्वासको गौरवको योजनाको रूपमा रहेको सडकबत्ती सञ्चालन कार्यलाई स्थानीय स्तरबाट पनि सहयोगको आवश्यकता रहेको उहाँले बताउनुभयो ।

पहिलो चरणमा दोदा पुल देखि झण्डै डेढ किलोमिटर क्षेत्रमा सडक बत्ती जडान भएको छ । जेठ ३१ गतेदेखि सडक बत्ती जडानका लागि हरेक ३०-३० मिटरको क्षेत्रमा बत्तीको पोल राख्न खाल्डो खन्ने काम सुरु भएको थियो ।

प्रदेश सरकार र पुनर्वास नगरपालिकाको संयुक्त लगानीमा सडक बत्ती जडानको काम सुरु भएको उहाँले बताउनभयो । यस्तै योजना शाखा प्रमुख बोगटीले प्रदेश सरकारको २० लाख र पुनर्वास नगरपालिकाको १५ लाख गरी ३५ लाखको बजेट सडक बत्ती जडान भएको बताउनुभयो । तेस्रो पटकको सूचना जारी गर्दा मात्रै ईबिड मार्फत दीप लाईट ईनर्जी काठमाडौंलाई टेण्डर परेको उहाँले जानकारी गराउनुभयो

लेखकको बारेमा

eNajar

थप आर्टिकलहरु :

• कार्तिक १०, २०८३Blogदशौं लालझाडी कप मंसिर ३ देखि ११ सम्म, पुरुष विजेतालाई ३ लाख र महिला विजेतालाई ५० हजार
• कार्तिक ८, २०८३Blogएक महिलालाई तीन जनाले बलत्कार गरेर फरार
• कार्तिक ७, २०८३Blogबझाङमा भिरबाट लडेर वडाध्यक्षको मृत्यु
• अशोज ३०, २०८३Blogसुदूरपश्चिम प्रदेशमा बजेट कार्यान्वयन सुरु: कर्मचारीको खातामा तलब जान थाल्यो