कैलाली । कैलालीमा लागू औषध नियन्त्रण ब्यूरोको टोलीले खैरो हिरोइनसहित पाँच जनालाई पक्राउ गरेको छ।
लागू औषध नियन्त्रण ब्यूरो शाखा कार्यालय धनगढीबाट खटिएको प्रहरी टोलीले धनगढी उपमहानगरपालिका र गोदावरी नगरपालिकाका विभिन्न स्थानबाट लागू औषध खैरो हिरोइन खरिद–बिक्री गरिरहेको अवस्थामा उनीहरूलाई पक्राउ गरेको हो।

पक्राउ पर्नेमा जोशीपुर गाउँपालिका–२ का २८ वर्षीय रामलाल डगौरा, धनगढी उपमहानगरपालिका–७ का २३ वर्षीय अनिल चौधरी, गोदावरी नगरपालिका–४ का ४५ वर्षीय शंकर विक, २८ वर्षीय गोपाल चौधरी र ३२ वर्षीय विजय चौधरी रहेका छन्।

प्रहरीका अनुसार उनीहरूको साथबाट १६ ग्राम २९० मिलिग्राम खैरो हिरोइन र ५ थान मोबाइल फोन बरामद गरिएको छ।

पक्राउ परेका पाँचै जनालाई आवश्यक अनुसन्धान तथा कानुनी कारबाहीका लागि सम्बन्धित प्रहरी कार्यालयमा बुझाइएको लागू औषध नियन्त्रण ब्यूरोले जनाएको छ।

लेखकको बारेमा

eNajar

थप आर्टिकलहरु :

• कार्तिक १०, २०८३Blogदशौं लालझाडी कप मंसिर ३ देखि ११ सम्म, पुरुष विजेतालाई ३ लाख र महिला विजेतालाई ५० हजार
• कार्तिक ८, २०८३Blogएक महिलालाई तीन जनाले बलत्कार गरेर फरार
• कार्तिक ७, २०८३Blogबझाङमा भिरबाट लडेर वडाध्यक्षको मृत्यु
• अशोज ३०, २०८३Blogसुदूरपश्चिम प्रदेशमा बजेट कार्यान्वयन सुरु: कर्मचारीको खातामा तलब जान थाल्यो