नवीन पार्की, ११ साउन, कञ्चनपुर | कञ्चनपुरको दक्षिण-पूर्वी सीमावर्ती क्षेत्र पुनर्वासमा पछिल्लो समय चोरी-पैठारी तथा अवैध ओसारपसार नियन्त्रणमा नेपाल प्रहरीले आफ्नो सक्रियता र गस्तीलाई थप सशक्त बनाएको छ।

“सुरक्षा हाम्रो प्रतिबद्धता, सेवा हाम्रो कर्तव्य” भन्ने मूल नाराका साथ सीमावर्ती क्षेत्रको सुरक्षा र चोरी-पैठारी रोक्न इलाका प्रहरी कार्यालय त्रिभुवनबस्तीबाट खटिएको प्रहरी टोलीले कडा निगरानी जारी राखेको छ।

यसै क्रममा आज मिति २०८३ साउन ११ गते दिउँसो १:३० बजेको समयमा प्रहरी वरिष्ठ नायब निरीक्षक कैलाश कुमार मल्लको नेतृत्वमा खटिएको प्रहरी टोलीले पुनर्वास नगरपालिका वडा नम्बर ६ स्थित सीमा क्षेत्रमा अर्को महत्त्वपूर्ण सफलता हासिल गरेको छ।

प्रहरीको सोही टोलीले अवैध रूपमा भारतबाट नेपालतर्फ भित्र्याउँदै गरिएका देहाय बमोजिमका पेय पदार्थहरू सफलताका साथ बरामद गरी नियन्त्रणमा लिएको छ:

बरामद गरिएका सम्पूर्ण सामानहरूलाई आवश्यक कानुनी प्रक्रिया पूरा गरी भन्सार कार्यालय पठाउने तयारी भइरहेको इलाका प्रहरी कार्यालय त्रिभुवनबस्तीले जनाएको छ।

सीमा क्षेत्रमा हुनसक्ने अवैध ओसारपसार, राजस्व छली तथा अन्य अवाञ्छित गतिविधि नियन्त्रण गर्न प्रहरीले कडा निगरानी बढाएको छ।

साना वा ठूला जुनसुकै परिमाणका अवैध सामान ओसारपसार रोक्न र सीमावर्ती नागरिकको सुरक्षा सुनिश्चित गर्न प्रहरी प्रशासन प्रतिबद्ध रहेको र यस कार्यमा स्थानीयवासीको समेत पूर्ण सहयोग रहँदै आएको प्रहरीको भनाइ छ।

लेखकको बारेमा

eNajar

थप आर्टिकलहरु :

• साउन ११, २०८३Blogपुनर्वास सिमाबाट अवैध प्रतिबन्धित पेय पदार्थ बरामद गरि नष्ट ।
• साउन ११, २०८३Blogसीमामा प्रहरीको कडा निगरानी: पुनर्वासमा अवैध रूपमा भित्र्याइएका पेय पदार्थ बरामद
• साउन ११, २०८३Blogपुनर्वासको ६५ बिघामा कृषि क्याम्पस निर्माणका लागि उठाइएको रकमको पारदर्शी हिसाब सार्वजनिक गर्न माग
• साउन ९, २०८३Blogधनगढीको जोखिम पुनर्वासमा सार्ने प्रपञ्च: जनताको जीवनमाथि खेलबाड गर्ने अधिकार कसैलाई छैन