• कञ्चनपुर, / फागुन १४ 
मुक्ति समाज नेपालको आयोजनामा तथा केन्द्रीय सदस्य एवं सुदूरपश्चिम इन्चार्ज भारमल सुनारको समन्वयमा पुनर्वास– क्षेत्रमा दलित समुदायको भेला सम्पन्न भएको छ।

नेपाल कम्युनिष्ट पार्टी (एमाले) कञ्चनपुर निर्वाचन क्षेत्र नम्बर–१ को सामुदायिक परिचालन उप–समिति अन्तर्गत आयोजित कार्यक्रममा केन्द्रीय कमिटी सदस्य कमला बोहरा प्रमुख अतिथि रहनुभएको थियो भने जिल्ला कमिटी सचिव पल्लव राज भट्टको विशेष उपस्थिति रहेको थियो।

भेलामा कञ्चनपुर क्षेत्र नम्बर–१ का एमाले उम्मेदवार तारा लामा तामाङलाई अत्याधिक मतले विजयी गराउने रणनीति, घरदैलो अभियान र मतदाता परिचालनलाई तीव्र बनाउने विषयमा छलफल गरिएको थियो। पुनर्वास नगर कमिटीका अध्यक्ष राम सिंह बिष्टले भन्नुभयो, “दलित समुदायको सम्मान र अधिकार सुनिश्चित गर्न एमाले प्रतिबद्ध छ। आगामी निर्वाचनमा एकताबद्ध भएर उम्मेदवारलाई जिताउन सबै जुट्नुपर्छ।

पुनर्वास नगर इन्चार्ज तथा निर्वाचन परिचालन समितिका आर्थिक विभाग प्रमुख आरपी सार्कीले भन्नुभयो, “फागुन २१ को निर्वाचनलाई लक्षित गर्दै आर्थिक तथा संगठनात्मक तयारी तीव्र बनाइएको छ। प्रत्येक टोलमा पुगेर मतदाता परिचालन सशक्त बनाइनेछ।” कार्यक्रमको सञ्चालन युवा नेता तथा पार्टीका जिम्मेवार संगठन प्रतिनिधि विष्णु विकले गर्नुभएको थियो। उहाँले भन्नुभयो, “संगठनलाई वडा तहसम्म मजबुत बनाउँदै दलित समुदायको सक्रिय सहभागितासहित निर्वाचन अभियानलाई प्रभावकारी रूपमा अगाडि बढाइनेछ।

भेलामा दलित समुदायका नेता तथा कार्यकर्ताहरूले सामाजिक विभेद अन्त्य, समान अवसर र सम्मानजनक जीवनयापनका लागि नीतिगत सुधार आवश्यक रहेको धारणा व्यक्त गरेका थिए। कार्यक्रममा स्थानीय अगुवा तथा समुदायका प्रतिनिधिहरूको उल्लेखनीय सहभागिता रहेको थियो।

लेखकको बारेमा

eNajar

थप आर्टिकलहरु :

• कार्तिक १०, २०८३Blogदशौं लालझाडी कप मंसिर ३ देखि ११ सम्म, पुरुष विजेतालाई ३ लाख र महिला विजेतालाई ५० हजार
• कार्तिक ८, २०८३Blogएक महिलालाई तीन जनाले बलत्कार गरेर फरार
• कार्तिक ७, २०८३Blogबझाङमा भिरबाट लडेर वडाध्यक्षको मृत्यु
• अशोज ३०, २०८३Blogसुदूरपश्चिम प्रदेशमा बजेट कार्यान्वयन सुरु: कर्मचारीको खातामा तलब जान थाल्यो