कञ्चनपुर/२० माघ ।
“स्वास्थ्यका लागि खेलकुद, राष्ट्रका लागि खेलकुद” भन्ने मूल नाराका साथ आयोजित स्थानीय तह स्तरीय छैठौँ राष्ट्रपति रनिङ शिल्ड प्रतियोगिता–२०८२ पुनर्वास नगरपालिका–६ स्थित श्री जीवनज्योति माध्यमिक विद्यालयमा भव्य रूपमा सम्पन्न भएको छ।
नगरपालिका भित्रका सरकारी तथा निजी गरी २५ वटा विद्यालयको सहभागिता रहेको प्रतियोगितामा पुनर्वास नगरपालिका–१० मा रहेको श्री विजय माध्यमिक विद्यालयले उत्कृष्ट प्रदर्शन गर्दै नगरस्तरीय राष्ट्रपति रनिङ शिल्ड प्रतियोगिताको उपाधि हात पार्न सफल भएको छ।

विजय माध्यमिक विद्यालयले प्रतियोगिताभर ९ स्वर्ण, ५ रजत र ५ कास्य पदक जित्दै प्रथम स्थान हासिल गरेको हो।
त्यसैगरी, प्रतियोगिताको आयोजक विद्यालय श्री जीवनज्योति माध्यमिक विद्यालयले ८ स्वर्ण, ४ रजत र ८ कास्य पदक प्राप्त गर्दै प्रतियोगिताको उप–विजेता बन्न सफल भएको छ।

यस्तै, पुनर्वास नगरपालिका–६ मा रहेको श्री पुनर्वास जनता माध्यमिक विद्यालयले ८ स्वर्ण, ३ रजत र ९ कास्य पदक जित्दै प्रतियोगितामा तृतीय स्थान हासिल गर्न सफल भएको छ।

सो प्रतियोगिता माघ १८ गतेदेखि २० गते आजसम्म सञ्चालन भएको थियो ।

लेखकको बारेमा

eNajar

थप आर्टिकलहरु :

• साउन ५, २०८३Blogबन्जिसाइडको भिरबाट हाम फालेका युवक मृत भेटिए ।
• साउन ५, २०८३Blogकीर्तिपुरमा गुडिरहेको कारमा आगलागी, गाडीभित्रै डढेर चालकको मृत्यु
• साउन ४, २०८३Blogसरकारले यो वर्ष नयाँ कर्मचारी भर्ना नगर्ने
• साउन ४, २०८३Blogशुक्लाफाँटा निकुञ्जमा च्याउ टिप्न गएर हराएका महिलाहरूको सकुशल उद्धार, सबै सम्पर्कमा